I dr first class tanzt d’Stewardess voll Eleganz
Dr Flugzüg-Sicherheitsmassnahme-Tanz
Glychzytig löst sich nid ganz so graziös
dr link Flugzügflügel vom Houptflugzügghüs
Dr Verluscht vom ne Flügel me mues das verstah
Dä cha chly nes unagnähms Gfüel hinderlah
Drum hätschlet e samtweichi Stimm d’Passagier
Dr link Flügel bruchi’s nur ufem Papier
Und dr Schutzängelchor am Bildrand dä summt
hmm hmm hmm hm hm hmm hmm hmm hm hm
Doch jitz wo sich d’Dechi vom Flugzügrumpf löst
Wird dr eint oder anger du glych chli närvös
Drum wändet sich d’Stimm nomal a d’Passagier
Das chömi scho vor dass me d Dechi verlier
Wie dr link Flügel so sygi ou ds Dach
E nützlechi aber entbehrlechi Sach
Und d’Stewardess strahlet vor Glückseligkeit
Obschon se dr Flugwind zum Flugzüg us treit
Und dr Schutzängelchor am Bildrand dä singt
Houptsach dr Schyn stimmt, Houptsach dr Schyn stimmt
Doch langsam wird’s dütlech dass’s nümm vil vertreit
Ersch rächt wo dr rächt Flügel ou no abgheit
Und es isch zwar nid gloge aber schmöckt nach Betrug
Wo gseit wird mä göng jitz i Landeaflug
Em ne Schutzängel wird’s du mal langsam chly knapp
Wott e Fluggascht ga rette doch dise winkt ab
Wenn d’Grabinschrift stimmi biss är gärn i ds Gras:
„Er starb nicht economy sondern first class“
Und dr Schutzängel gspürt di süessi Verfüerig
Vore Früehpensionierig vore Früehpensionierig
Text und Musik: Nils Althaus
© by Nils Althaus