Härzlech willkomme mini Damen und Herre zu däm Crashkurs Intensiv | Schnufet
einisch düren i schla vor mir mache Duzis und de wird das ganze nid e so
styff | I giben öich d’Garantie uf d’Gfahr hi dass dir gloubet dä Typ dä
spinnt | Aber i füf Minute weiss jede vo öich wie me Platin gwinnt
Und jitz schrybe mir zämen e Hit wo’s scho hundertmillione Mal git | I chan
ech verstah dir gloubet no nid so dra doch mir schaffe das Schritt für
Schritt
Also ds erschte wo dir bruchet isch ke gueti Idee ke Melodie und ke
Gitarrist | Ds erschte wo dir bruchet isch es Zielpublikum und en uskochte
Marktanalyscht | Mir hei das sälbverständlich scho für euch überno und dr
Markt schynt üs ideal | Alles was pubertiert isch für Manipulatione erschti
Wahl
Und jitz… | Dä Crashkurs isch wie nes Instant-Gmisch e One-Hit-Wonder-Kit
Und die zwöiti Lektion isch nid minder banal jitz chunnt d’Musig i’ds Spiel
| Doch schrecket nid zrügg dir müest ke Note chönne läse u we dir’s chöit de
chöit dir eigentlech scho zvil | Vo eim Hit dr Beat und d’Melodie vom ne
zwöite und mischet das ganze chli nöi | No nes Sample us de 60er und dir syt
am Änd vo Lektion zwöi
Und jitz… | Die erschte zwöi Pünkt hei nech chinderliecht dünkt de syt dir
bereit für e dritt
I der Klarsichtsfolie grad vor euch uf em Pult da findet dir e Publikation |
Si enthaltet zwänzg Standardsätz gnue für jede Text ds Thema vo dr dritte
Lektion | Die Sätz si all uf sibe Silbe normiert uf Änglisch und politisch
korrekt | Und frei kombinierbar wüll da o ke Ussag meh dinne steckt
Und jitz… | Mir sy scho gly z’Änd no ne chlyne Momänt und de chunnt öje
Staruftritt
Wenn dir alli Regle bis jitz heit befolgt de isch dr letscht Tescht gschänkt
| Dir spilet öjes Lied euer Zielgruppe vor und loset mal was si dervo dänkt
| D’Maximalpunktzahl die heit dir erreicht wenn si säge dass sygi scho
gstört |
Aber si syge sicher dass sie das scho mal irgendnöime heige ghört
Und jitz… | Tüet d’Oropax dry sänket d’Asprüch e chly schaltet ds Gwüssen
us und machet mit | Und jitz… | Tüet d’Oropax dry sänket d’Asprüch e chly
und dir heit e rise huere Sch…
Text und Musik: Nils Althaus
© by Nils Althaus