Bim Windliechtli Baschtle chunnt ds Annettli nid drus
Ires Windliechtli gseht meh wie ne Sturmwarnig us
Ds Gretli macht ds Schönschte und scho hei si Krach
Da süfzget dr Fritzli – ach!
Es geit nid um ds Gwinne nei gwinne chunnt nid in Frag
Und we kene cha gwinne git’s o kei Niderlag
Solang d’Balance bi euch stimmt stimmt bi üs dr Ertrag
Mitmachen isch alls Mitmachen isch alls
Mitmachen isch alls Mitmachen isch alls
Das windschiefe Liechtli är müess sägen ihm gfall’s
Mitmachen isch alls Mitmachen isch alls
D’Lehrerin füehlt sich vo soviel Geischt rych beschänkt
Und fragt Fritzli bewundernd öb är sich das heig usdänkt
Dä meint nei sy Vater si meint dasch o nid verchehrt
Chinder loset was Fritzli vom Vatter hett glehrt
Es geit nid um ds Gwinne nei Gwinne chunnt nid i Frag
Wüll we niemer cha gwinne git’s o kei Niderlag
We d’Balance bi euch stimmt stimmt bi üs dr Ertrag
Mitmachen isch alls Mitmachen isch alls
Mitmachen isch alls Mitmachen isch alls
Chinder loset mal zue dr Fritzli seit öppis Schlaus
Mitmachen isch alls Mitmachen isch alls
Und de fragt si dr Fritzli no doch bereut das sofort
Was si Vater de machi wüll är seit Waffenexport
Und de sägi är immer wenn är e Ladig verschickt
Ei Regle die giltet für jede Konflikt
Es geit nid um ds Gwinne nei Gwinne chunnt nid i Frag
Wüll we kene cha gwinne git’s o kei Niderlag
Solang d’Balance bi euch stimmt stimmt bi üs dr Ertrag
Mitmachen isch alls Mitmachen isch alls
Mitmachen isch alls Mitmachen isch alls
Mir lö doch kene la gwinne nenei keinesfalls
Bi usglichner Lag sinkt d’Nachfrag niemals
Mitmachen isch alls Mitmachen isch alls
Mitmachen isch alls Mitmachen isch alls
Mitmachen isch alls Mitmachen isch alls
Text und Musik: Nils Althaus
© by Nils Althaus