Di erschti Enttüschig dä Halt suechend Blick
Di letschti Mahlzyt ds trochne Muul
Di pochende Schläfe dr Abdruck vor Hand
Dä z’sy wo mitmacht und sich schämt derfür
Ref:
Alls wo’s gä hett und alls wo’d hesch gspürt
Schwümmt irgendeinisch dervo
Jedi Angscht jedes Bange jedi Schmach u jedi Schand
hett es Änd
Ds erscht Mal älleini vo dr Mama zum Tisch
Ds letscht mal mit Krücke bevor d’hei darfsch ga
Di Hand uf mir Stirne d’Fältli wenn d’lachsch
Das Gfüel vo deheime du und ig
Ref:
Alls wo’s gä hett und alls wo’d hesch gspürt
Schwümmt irgendeinisch dervo
Jedi Umarmig jede Blick und jedes Wort
hett es Änd
Alls wo’s gä hett und alls wo’d hesch gspürt
Schwümmt irgendeinisch dervo
Jedi Angscht jedes Bange jedi Schmach u jedi Schand
hett irgendwenn es Änd
Und alls wo’s je gäh hett verschwindt
Und alls wo’s je gäh hett verschwindt
Und alls wo’s je gäh hett verschwindt
Text und Musik: Nils Althaus
© by Nils Althaus