I bi geschter no nes Bier ga ha i dere Beiz | Grad umen Egge eh dass i dä
Name jitz nümm weiss | Da setzt sich ja du gloubsch es nid dr Dings a
glychlig Tisch | Dr Dings wo mir sy Name jitz grad o entfallen isch
E mou du kennsch ne dä wo bi däm Film Regie hett gfüert | Vo dere mit däm
Daggelhund wo di doch so hett grüert | Eh wie heisst itz die no mal ja wüsse
tuen i’s scho | Es wott grad eifach itz i däm Momänt nid usecho
Äbe die die spilt o im ne andre Film no mit | E mou du weisch doch dä wo’s
ging so Schlegereie git | Dä hei mir doch no zäme mit em Dings im Chino gseh
| Ja Donnerschiess jitz weiss i däm si Name nümme meh
Du weisch doch wän i meine s’isch e mittelgrosse Ma | So mittelbreit mit
brune Haar jitz sträng di doch chly a | Är kennt dr Dings vo Zügs dä wo so
Sächeli verchouft | Du weisch nid wär ja Heilandtonner ghörsch mi überhoupt
Bi disem bisch du doch ä mal wäg som ne Buech verby | Mit em Titel
Sackermänt wie isch dä Titel gsy | Ja Gottfridstutz du wirsch doch wüsse wie
si dä hei touft | Dr Dings vo Zügs mit Buech dä wo so Sächeli verchouft
Ja Herrgott no ne mal hesch du ir Schuel de immer pennt | Das si doch alles
Lüt wo jedes Neugeborne kennt | Zrügg zum Afang vilich chasch es chürzer
gfasst versta | Jitz weiss i nümm mit was dass i die Gschicht agfange ha
Text und Musik: Nils Althaus
© by Nils Althaus