Heiweh

Sie hei mi versetzt hie nach Uruguay
Jitz sitzen i hie ganz ällei
Was söll i de hie i däm Uruguay
I wär doch viel lieber dehei

Das isch ds Heiweh das isch ds Heiweh
Ir Färni holt es eim y
I ha Heiweh ja so Heiweh
Nach Bärgen und Schoggi und Wy

Und ou wo bim Nachbar Tumult usbricht
Trybt das mi Schwärmuet nid us
Das Heiweh das zwingt mi i d’Chnöi ou jitz
Wo Rouch ufstygt vom Nachbarshuus

Doch i ha Heiweh i ha Heiweh
Da hett itz dä Rouch grad ke Platz
I ha Heiweh ja so Heiweh
Nach dir mini Heimat mi Schatz
Joliuu

Jitz springt dä guet Nachbar dür d’Flammewand
Vom Fänschter im zwöite Gschoss
Bechunnt i dr Luft chly nes Dräimomänt
Landet und jammeret los

Ihm tüeg ds Bei weh ihm tüeg ds Bei weh
Syt froh isch’s nur öjes Bei
Und nid Heiweh wüll bi Heiweh
Bruuch i chly Zyt ganz ällei

Doch versuech e mal würdevoll Heiweh z’ha
Wenn e Massepanik usbricht
Und alli i di Luftschutzchäller wei
Da hilft nur es truurigs Gedicht

Über Heiweh schrecklechs Heiweh
Dir wüsst nüt vo Chummer und Gram
Jitz kes Gschrei meh i ha Heiweh
und bitten um chly Rücksichtsnahm