Si hangen uf Plakat a jeder Wand
und lächlen abe ganz charmant
als gäb’s nüt Harmlosers als das
Am Fernsehschirm sy si omnipresänt
mä füehlt sech visuell bedrängt
iri Invasion sprängt jedes Mass
Wo immer dr Verchouf vom ne
Produkt e chly stagniert
Lö si d’Blusene la gheien und
posieren ungeniert
i rede vo
Refrain:
Füdleblutte Meitschi überall
säget mir isch das de no normal
Uf jedem Poster jedem Heft jedem
hingerletscht Fernsehkanal
Füdleblutti Meitschi überall
säget mir isch das de no normal
Mit nacktem Wahnsinn schufle mir
es Grab für d’Ornig und d’Moral
S’isch grob fahrlässig für e Stadtverchehr
wenn so ne Frou für Underwear
und um Männerblicke wirbt
D’Statistik seit dass jede dritte wo
sin im dr Chopf verträit hett no
am Unfallort a Gnickbruch stirbt
Si ghörten ygsperrt wäg versuechtem Roub
stälen allne andre Meitschi d’Show
und üs Männer dr Verstand
D’Folg dervo es geit jedes dritte Paar
grad nach dr Hürat zum Notar
und streift dr Hochzytsring vor Hand
Bi dr nächschte Wahl chöit luege
präsentiert de d’CVP
iri Kandidatinne im schwarze Négligé
ja i sägen öich
Refrain
Am Fernseh i mim Zimmer nagt dr Roscht
und wäg dr Wärbig i dr Poscht
ströien i Briefträgergift
Und ds einzige Journal bi mir dehei
handlet vo Hobbyfischerei
und isch verfasst i Blindeschrift
Zum Kiosk chan i nümme s’isch e Qual
ha Schweissusbrüch zwüsch de Regal
und wirde purpurrot im Gsicht
Bi de Körperpflegprodukt isch’s ds glyche Chrüz
und wüll i afa stinke schleipft mi jitz
ou no d’Nachbarin vor Gricht
Nei i halte’s hie nümm us mi Entschluss
isch gfasst no i däm Momänt
Gan ig id’s Chloschter wirde Mönch und
globe Keuschheit bis ad’s Änd
u nume wäge de
Refrain
Drum wird’s mir Angscht und Bang geit es um dä Momänt wo me a d’Kasse chunnt
Drum wird’s mir Angscht und Bang geit es um dä Momänt wo me a d’Kasse chunnt
Text und Musik: Nils Althaus
© by Nils Althaus